【102期博職讀物】2招教你提升影相技巧,成為朋友圈嘅集讚達人~~


發佈時間:2024-05-03            173人閱讀過

 

 

平時各位朋友們都會用手機記錄日常生活,但好多時點解都會覺得影出來嘅相唔係好岩心水!?

唔緊要,今日小編將會教大家兩個影相構圖嘅小妙招,等大家第日自己都可以影到一張自己滿意既相啦~

 

開啟網格功能

事不宜遲, 馬上開始啦,首先打開手機入面嘅相機,開啟網格功能,我將會用SamgSung 手機用作操作示範。其他手機牌子嘅朋友仔都唔洗擔心,每一部手機相機入面都有網格功能,設置方法大同小異。

 

首先打開相機, 點擊設置

搵到網格線,點擊

成功開啟後就會在相機看到網格

 

影相構圖教學

 

 

 

 

開啟網格功能之後,我地馬上學習第一招「三分法」,以下就由博援隊成員為我地作出示範啦

相信平時大家會都會影一D去旅行既相,面對要人又要景呢個情況,三分構圖法會係一個唔錯既選擇,將主體放係岩岩開啟左既網格上四個交點或者四條線上面就可以啦。咁樣做可以令畫面更有層次感,亦可以引導觀眾既視線。

 

多謝博援隊成員為我地作出示範。「三分法」係唔係好簡單呢,依家我地我地再學多招「中心構圖法」

 

 

有時候行過,見到隻貓好得意或者入到公園見到啲花好靚喎,咁點可以點做呀,中心構圖法係呢個時候就幫到你啦,將想影既主體固定係網格既的中心,盡量搵一個乾淨既背景,一張唔錯嘅相就出左黎架啦。

 

 

 

 

 

以上就是今日要分享嘅兩招構圖技巧,只要大家係影相既時候開番個網格,用埋上面兩招,朋友圈既集讚達人仲唔係你?

 

 

 

 
返回首頁返回上一頁
Copyright © 2016 Gaming Employees Home of Macau, GAMING.ORG.MO.All rights reserved.